Sekretari i Jashtëm britanik, David Lammy në një konferencë të përbashkët për media me presidenten Vjosa Osmani, ka thënë se shpreson që Kosova do të formojë së shpejti qeverinë e re, pasi sipas tij, kjo është esenciale në një kohë të vështirë që po mbizotëron në botë.

“Keni bërë progres edhe në zgjedhjet e shkurtit, dhe shpresoj që këtu në Kosovë, së shpejti do të formohet qeveria e re, e që është esenciale në këto kohë të vështira”, tha Lammy.

Ai po ashtu shton se Kosova ka bërë progres pozitiv si shtet i ri që është, derisa thotë se ky progres duhet të vazhdojë ende.

“Është e qartë që kur vjen në Kosovë sheh progresin që ka bërë, një shtet kaq i ri dhe dinamik.  Ky është një progres që duhet të vazhdojmë ta ndërtojmë, në këtë kohë sfidash në globin tonë”, u shpreh ai.